სასაქონლო ნიშნების საერთაშორისო ასოციაციის (INTA) 50-ზე მეტი წევრი დაესწრო დღეს საქპატენტისა და INTA-ს მიერ ორგანიზებულ ვირტუალურ მრგვალ მაგიდას, დიალოგს ინტელექტუალური საკუთრების პოლიტიკის შესახებ, რომელიც მიეძღვნა კოონავირუსის პანდემიის პერიოდში კონტრაფაქციასთან დაკავშირებულ გამოწვევების, წარმოშობილ პრობლემების და მათი გადაჭრის გზების განხილვას.
შეხვედრა, რომელიც გახსნა საქართველოს ინტელექტუალური საკუთრების ეროვნული ცენტრის - საქპატენტის თავმჯდომარის მოადგილემ ნინო ჩიქოვანმა, მონაწილეობა მიიღეს საქართველოში ინტელექტუალური საკუთრების დაცვის სფეროში მომუშავე სამთავრობო და კერძო სექტორის წარმომადგენლებმა. ნინო ჩიქოვანმა ხაზი გაუსვა ფაქტს, რომ “კორონავირუსის პანდემიის პერიოდში საქართველო კონტრაფაქციასთან დაკავშირებულ გამოწვევებს მომზადებული შეხვდა”. 
“ნოვარტისს”, “ფერინგს” და INTA-ს წევრ მსგავს მსხვილ კომპანიებს, ფინანსთა სამინისტროს შემოსავლების სამსახურისა და საქართველოს პატენტრწმუნებულთა ეროვნული ასოციაციის ხელმძღვანელმა პირებმა გააცნეს ის ეფექტური მექანიზმები, რომელიც გამოიყენება საქართველოში ინტელექტუალური საკუთრების დაცვის მიმართულებით. კერძოდ, უცხოურმა კომპანიებმა მიიღეს ინფორმაცია საქართველოში ინტელექტუალურ საკუთრებასთან დაკავშირებული სასაზღვრო ღონისძიებისა დაბაზარზე მისი დაცვის უზრუნველყოფის მექანიზმების, ასევე, ქვეყანაში ინტელექტუალური საკუთრების სისტემის გამართული მუშაობის შესახებ.  აღნიშნული ინფორმაციის გაზიარება INTA-ს წევრებისთვის, ხელს შეუწყობს უცხოური კომპანიების მხრიდან საქართველოს მიმართ ინტერესის ზრდას.
INTA-ს შეხვედრები ტრადიციული ხასიათისაა და ემსახურება სასაქონლო ნიშნების თემაზე აქტუალური ინფორმაციის გაზიარებას სფეროს პროფესიონალებს შორის. აღნიშნული შეხვედრა განხორციელდა საქპატენტისა და  INTA-ს თანამშრომლობის შედეგად. 
INTA წარმოადგენს ორგანიზაციას, რომელიც სასაქონლო ნიშნების და, ზოგადად, ინტელექტუალური საკუთრების სისტემის განვითარების ხელშეწყობას ემსახურება, მომხმარებელთა დაცვისა და კეთილ¬სინ¬დისიერი კომერციული საქმიანობის პრინციპების დანერგვის უზრუნველსაყოფად. 
INTA-ს წევრია 187 ქვეყნის 7200-ზე მეტი ორგანიზაცია და ის აერთიანებს  სასაქონლო ნიშნების სფეროში მომუშავე 31 000 პროფესიონალს. INTA-ში გაწევრიანებულია როგორც სასაქონლო ნიშნების მფლობელი კორპორაციები, ისე საშუალო და მცირე მეწარმეები, იურიდიული ფირმები და არასამთავრობო ორგანიზაციები. წევრებს შორის არიან სახელმწიფო უწყებები და სამეცნიერო წრეების წარმომადგენლები.

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ