პოლიტიკური პროცესი დასრულდება მაშინ, როდესაც საარჩევნო სისტემასთან დაკავშირებული საკონსტიტუციო ცვლილებების საკითხი დადგება, - ამის შესახებ პრემიერ-მინისტრმა გიორგი გახარიამ განაცხადა.

როგორც მან აღნიშნა, პოლიტიკური კრიზისის დასრულების ყველაზე ობიექტური სურვილი დღეს ხელისუფლებას აქვს.

„ბატონო გიგა, ლობისტებთან დაკავშირებით თქვენი გამოცდილებიდან გამომდინარე ეს რჩევაა თუ ჩვენება საერთოდ ღიმილის მომგვრელია, თუმცა გავითვალისწინებ. პოლიტიკური კრიზისის დასრულების ყველაზე ობიექტური სურვილი დღეს ვინმეს თუ აქვს, ეს არის ხელისუფლება. ეს უბრალოდ პოლიტიკური ინტერესებიდან გამომდინარე. ხელისუფლება ამ ნაბიჯებს დგამს. შესაბამისად, პოლიტიკური კრიზისის დასრულება არის ჩვენი გუნდის, ამ ხელისუფლების უპირველესი ამოცანა. ჩემთვის საქართველოში პოლიტპატიმრები არ არსებობს. არსებობს სასამართლო სისტემა, რომელმაც მიიღო გადაწყვეტილებები. ერთი გადაწყვეტილება მიიღო ადამიანთა მიმართებაში, რომელიც შტურმისკენ მოუწოდებდა და პარლამენტის ამ შტურმში იღებდა მონაწილეობას. ზოგიერთ ბევრ თქვენგანსაც ვხედავდი ამ პროცესში. მეორე ადამიანმა უბრალოდ ბიუჯეტიდან მოიპარა კონკრეტული რაოდენობის კონკრეტული თანხა. შემდგომ პრეზიდენტმა მიიღო ის გადაწყვეტილება, რაც მიიღო და ამით დამთავრდა პროცესი.

პოლიტიკური პროცესი დასრულდება მაშინ, როდესაც ამ პოლიტიკური შეთანხმების ყველაზე მნიშვნელოვანი ნაწილი, საარჩევნო სისტემასთან დაკავშირებით საკონსტიტუციო ცვლილებები და საარჩევნო სისტემასთან დაკავშირებული საკანონმდებლო ცვლილებების საკითხი დადგება, იქ გამოჩნდება ვინ როგორ პოზიციას დაიჭერს და ვინ არის ამ პოლიტიკური კონსენსუსი, მშვიდობის, ნორმალური არაპოლარიზებული სააღცევნო გარემოს მომხრე და ვინ დგამს ნაბიჯებს პირიქით, დესტაბილიზაციისა და პოლარიზაციის მიმართულებით“, - განაცხადა პრემიერმა.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება