ვირუსთან ბრძოლის პერიოდში, საქართველომ დაუმტკიცა საზოგადოებას და მთელ მსოფლიოს, რომ გვაქვს კარგად მომზადებული ჯანდაცვის სისტემა, - ამის შესახებ პარლამენტის თავმჯდომარემ, არჩილ თალაკვაძემ ბიუროს სხდომის დაწყებამდე განაცხადა.

როგორც მან აღნიშნა, დღეს პარლამენტში დისკუსიის მთავარი საგანი პრემიერ-მინისტრის მიერ წარმოდგენილი ანგარიში იქნება.

„საქართველომ მართლაც წარმატებით შეძლო ვირუსის გავრცელების შეკავება და ჩვენ ვართ ერთ-ერთი სამაგალითო ქვეყანა. როგორც ეპიდემიოლოგიური, ასევე ადმინისტრირების თვალსაზრისით დაუმტკიცა თავის საზოგადოებას და მთელ მსოფლიოს, რომ გვაქვს კარგად მომზადებული სისტემა ჯანდაცვის, ეპიდემიოლოგიური და ყველა მოკავშირე სამსახურები, რომლებიც ჩართული იყვნენ ამ პროცესში.

რაც შეეხება დღევანდელ სხდომას, მოგეხსენებათ, რომ დღეს პარლამენტში მოდის პრემიერ-მინისტრი გიორგი გახარია მთავრობის წევრებთან ერთად. ჩვენ მოვისმენთ მის ანგარიშს კორონავირუსთან დაკავშირებით. ასევე, სამომავლო გეგმები იქნება დღეს დისკუსიის საგანი. ვფიქრობ და ყველას გთხოვთ, რომ მაქსიმალური ჩართულობა და მონაწილეობა მიიღოთ დღეს. დასვათ კითხვები, რომლებიც არსებობს და გავმართოთ სრულფასოვანი პოლიტიკური დისკუსია“, - განაცხადა არჩილ თალაკვაძემ.

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ