გამორიცხულია, რომელიმე საერთაშორისო ინსტიტუტმა მიიღოს ისეთი გადაწყვეტილება, სადაც საუბარი იქნება პოლიტპატიმრებზე, - ამის შესახებ საპარლამენტო უმრავლესობის ლიდერმა ირაკლი კობახიძემ განაცხადა.

კობახიძე იმედს გამოთქვამს, რომ დასავლელი პოლიტიკოსები ფართოდ იქნებიან წარმოდგენილი 2020 წლის საპარლამენტო არჩევნებში.

„ბუნებრივია, ეს არის სრული აბსურდი, საქართველოში ვინ არის პოლიტპატიმარი და ვინ არ არის. აქედან გამომდინარე, ყველა გადაწყვეტილება, დარწმუნებული ვარ საერთაშორისო დონეზე მიღებული იქნება ისე, როგორც ეს შეესაბამება ქართულ სინამდვილეს და სინამდვილე არის ის, რომ საქართველოში არავითარი პოლიტპატიმრები არ არსებობენ. აქედან გამომდინარე, გამორიცხულია რომელიმე საერთაშორისო ინსტიტუტმა მიიღოს რაიმე ასეთი გადაწყვეტილება, სადაც საუბარი იქნება პოლიტპატიმრებზე.

კიდევ ერთი გოიმური განცხადებაა ოპოზიციის მხრიდან. კინზინგერის ჩამოსვლას ჩვენ მივესალმებით და დიდი იმედი გვაქვს, რომ კინზინგერი, დეპუტატები კონგრესიდან, ასევე ევროპარლამენტარები და ზოგადად, პოლიტიკოსები დასავლეთიდან ფართოდ იქნებიან წარმოდგენილი საპარლამენტო არჩევნების დროს. ჩვენ ამაზე ძალიან აქტიურად ვმუშაობთ“, - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება