ევროპული საქართველო ჰომოფობიასთან, ტრანსფობიასთან და ბიფობიასთან ბრძოლის საერთაშორისო დღესთან დაკავშირებით განცხადებას ავრცელებს და წერს, რომ საქართველოს მოქალაქეების ნაწილს დღემდე სიძულვილისა და შიშის ქვეშ უწევს ცხოვრება. 

"დღეს 17 მაისია - ჰომოფობიასთან ბრძოლის დღე. ჩვენს მოქალაქეთა ნაწილს დღემდე სიძულვილის, ძალადობისა და შიშის ქვეშ უწევთ ცხოვრება. ყველა წესიერი ადამიანის ვალია, წინ აღუდგეს ძალადობას და დაიცვას თანამოქალაქეთა უფლებები. სამწუხაროდ, დღემდე ვერცერთმა ხელისუფლებამ ვერ და არ მოახერხა ამ მიმართულებით იმგვარი ნაბიჯების გადადგმა, რაც სიტუაციას მნიშვნელოვნად გააუმჯობესებდა", - წერია განცხადებაში. 

პარტიის განცხადებით, ბიძინა ივანიშვილის გუნდი ქართული ოცნება როგორც ოპოზიციაში ყოფნისას, ისე ხელისუფლებაში მოსვლის შემდეგ, მფარველობს მოძალადე ჯგუფებს და საკუთარი პოლიტიკური ამოცანებისთვის იყენებს. ევროპული საქართველოს განცხადებით, 2013 წლის 17 მაისის დარბევის დაშვება და მოძალადეათა დაუსჯელობა ამის ნათელი დასტურია.

"ამ თემით სპეკულირებისა და ძალადობრივი ჯგუფების შეზღუდვა, მნიშვნელოვანია ჩვენი ქვეყნის უსაფრთხოებისთვის, რადგან მოძალადეთა აბსოლუტური უმრავლესობა პროპუტინურია და მათ უკან როგორც პოლიტიკურად ისე ფინანსურად რუსეთი დგას. ყველა დემოკრატიული და ღირსეული, პოლიტიკური თუ საზოგადოებრივი ჯგუფის ამოცანაა, გაერთიანდეს როგორც ქვეყნის შიგნით პიროვნული თავისუფლების, ისე მთლიანად საქართველოს თავისუფლების დასაცავად", - წერია ევროპული საქართველოს განცხადებაში. 

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება