ბიზნესმენმა კარანტინის დამთავრების შემდეგ მაღაზია გახსნა და აღმოაჩინა, რომ პროდუქცია განადგურებულია

2020-05-17 11:57:14, 14381 ნახვა

Lifestyle

COVID-19-მა მთელი მსოფლიოს მასშტაბით უამრავი საწარმოს, ფაბრიკის და მაღაზიის მუშაობა შეაჩერა. მკვეთრად გაიზარდა უმუშევრობა და სიღარიბე.
ანალიტიკოსები დარწმუნებით ამტკიცებენ, რომ კრიზისი ღარიბი ქვეყნების მოსახლეობაზე განსაკუთრებით იმოქმედებს, ზუსტად ამის გამო რიგ ქვეყნებში იზოლაციიდან გამოსვლა დაჩქარებული ტემპებით მიმდინარეობს. ასე მოხდა მალაზიაშიც, სადაც იზოლაცია მარტის თვის დასაწყისიდან იქნა შემოღებული. ახლა ხელისუფლება ბიზნესს მუშაობის განახლებას არა თუ ურჩევს, არამედ მოითხოვს.
ერთ-ერთი ბოლო ეტაპი ტანსაცმლის და აქსესუარების მაღაზიების გახსნა იყო. სწორედ მაშინ გამოვიდა სამსახურში ნექს ნეზეუმი (Nex Nezeum), რომელმაც მის ტყავის ნაკეთობების მაღაზიაში საშინელი სურათი აღმოაჩინა.
ბუნებრივი ტყავისგან დამზადებული ნაკეთობები ობის კოლონიებით დაიფარა, ამ დროს სინთეტიკური მასალისგან შეკერილი მასალა ახალივით გამოიყურებოდა.
გასაგები მიზეზების გამო მაღაზიის გახსნა და მუშაობის გაგრძელება შეუძლებელი გახდა, ახლა ბიზნესმენს წინ ძვირადღირებული ინვენტარიზაცია და დეზინფექცია ელის, ხოლო დაზიანებული საქონელი განადგურებას ექვემდებარება. ეს ყველაფერი იმის გამო მოხდა, რომ ნექსმა მაღაზიის დაკეტვის დროს ვენტილაცია გამორთო, რითაც ობის გავრცელებისთვის იდეალური პირობები შექმნა.