2020-05-15 13:23:10, 1397 ნახვა
პოლიტიკა
,,ლელო საქართველოსთვის’’ მიმართავს სუსს გააკეთოს განმარტება, ბელგიაში იანიკ კალანტარიანის საპატიო კონსულად დანიშვნის ფაქტთან დაკავშირებით
მედიაში გავრცელებული ინფორმაციით, ბელგიაში საქართველოს საპატიო კონსულად დაინიშნა რუსეთის ფედერაციის საგარეო საქმეთა მინისტრის - სერგეი ლავროვის ნათესავი იანიკ კალანტარიანი, რომელიც ამავდროულად გახლავთ ბელგია-სომხეთის სავაჭრო პალატის ვიცე-პრეზიდენტი, - ამის შესახებ პოლიტიკური გაერთიანება ,,ლელო საქართველოსთვის’’ ერთ-ერთმა ლიდერმა ლანა გალდავამ განაცხადა.
,,პოლიტიკური გაერთიანება ,,ლელო საქართველოსთვის’’ მიმართავს საქართველოს საგარეო საქმეთა სამინისტროს, ასევე სახელმწიფო უსაფრთხოების სამსახურს გააკეთოს განმარტება იანიკ კალანტარიანის საპატიო კონსულად დანიშვნის ფაქტთან დაკავშირებით, ასევე უარყოს, ან დაადასტუროს ა.წ. 14 მაისს ,,კავკაზ პლიუსში’’ გამოქვეყნებული ფაქტების სისწორე’’, - განაცხადა ლანა გალდავამ.
ავტორი: ექსპრესნიუსი,
epn.ge (@expressnews.ge)
