ძალიან ბევრი კითხვები გვაქვს პრემიერ-მინისტრთან მთავრობის ქმედებების შესახებ და იმ ნაბიჯებზე, რომლებსაც ისინი ეკონომიკაში დგამენ, - ამის შესახებ „ევროპული საქართველოს“ ლიდერმა დავით ბაქრაძემ განაცხადა.

მისი თქმით, პრემიერმა ოპოზიციის კითხვებს ორჯერ აარიდა თავი და პარლამენტში არ გამოცხადდა, რის გამოც მათი კითხვები პასუხგაუცემელი რჩება.

„ორივეჯერ საგანგებოს გამოცხადების დროს პრემიერმა თავი აარიდა პარლამენტში მოსვლას, ამიტომ ბუნებრივია ჩვენი შეკითხვები რჩება, ამ კითხვების რაოდენობა ყოველდღიურად იზრდება, როდესაც ვხედავთ მთავრობის მიერ ეკონომიკაში გადადგმულ ნაბიჯებს.

ევროპულ საქართველოს ექნება მასთან ძალიან ბევრი კითხვა, რომელიც უკავშირდება მთავრობის მოქმედებებს, თუ რას აკეთებს ხელისუფლება იმისთვის, რომ მოსახლეობას გაუადვილდეს საგანგებო მდგომარეობით გამოწვეული უმძიმესი შედეგების გადალახვა“, - განაცხადა დავით ბაქრაძემ.

შეგახსენებთ, რომ „ერთიანი ნაციონალური მოძრაობა“ გიორგი გახარიას პარლამენტში იბარებს. ოპოზიციური პარტია პრემიერს საკანონმდებლო ორგანოში 29 მაისს ელოდება.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”