რესპუბლიკური საავადმყოფოს დირექტორის, ლევან გოფოძის განცხადებით რესპუბლიკურ საავადმყოფოში 38 ინფიცირებულია განთავსებული, 2 პაციენტი გამოჯანმრთელდა, ერთი პაციენტი კი საყურადღებოა მისი თანმხლები დაავადებების და ასაკის გამო.

მანა ასევე განაცხადა, რომ არცერთი პაციენტი არ საჭიროებს ხელოვნური სუნთქვის ვენტილაციას. 

„რესპუბლიკურ საავადმყოფოში ამჟამად 64 პაციენტია, აქედან 38-ს დაუდასტურდა ინფექცია, 2 პაციენტი კი გამოჯანმრთელდა და დღეს გავწერთ. დანარჩენი პაციენტების მდგომარეობა დამაკმაყოფილებელია, რამდენიმე პაციენტია საყურადღებო პნევმონიით, თუმცა არცერთი ხელოვნური მართვითი სუნთვქის აპარატს არ საჭიროებს, რაც ძალიან გვახარებს.

დღეს რამდენიმე პაციენტს ტესტირება ჩაუტარდა, ზოგს კი რეტესტირება და ხვალ ვის გაშვებას შევძლებთ მაგის პასუხი გვექნება მალე.

2 პაციენტიდან, რომელთაც პნევმონია აქვს ერთ-ერთი პაციენტი საყურადღებოა ასაკის და თანმხლები, მისი კარდიო ვასკულანური პრობლემებით, თუმცა მისი მდგომარეობაც დამაკმაყოფილებელია.

ახალი პაციენტი მხოლოდ ერთი გვყავს, მისი მდგომარეობა დამაკმაყოფილებელია და არანაირი მძიმე კლინიკური გამოვლინებები არ აქვს.

რაც შეეხება კორონავირუსთან ბრძოლას, ვიმედოვნებ მალე დავამთავრებთ, ფაქტია უკანასკნელ პერიოდში ინფიცირებულთა რაოდენობის ზრდა აღარ შეინიშნება, ასე რომ შეგვიძლია პროგნოზებს გავუსწროთ და 6 ივნისის მაგივრად, 26 მაისს დავამთავროთ“, - განაცხადა ლევან გოფოძემ.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

Global Finance: საქართველოს ბანკი რეგიონში საუკეთესო სამომხმარებლო ციფრული ბანკია ონლაინ პროდუქტების შეთავაზების და დაკრედიტების მიმართულებით

შენი ავტოსაჭიროებები ერთ სივრცეში - მობაილბანკში ავტო კომფორტი განახლდა

რა იცვლება დაგროვებითი პენსიის შესახებ კანონში

81 ათასი ოჯახი ქონების გადასახადს აღარ გადაიხდის - შემოსავლების სამსახურის უფროსი