საგანგებო მდგომარეობა ერთი თვითაც რომ გაგრძელდეს, საკონსტიტუციო ცვლილებები მაინც მოხდება, - ამის შესახებ საპარლამენტო უმრავლესობის ლიდერმა, ირაკლი კობახიძემ "რუსთავი 2"-ის ეთერში განაცხადა.

მისი თქმით, თუ, საგანგებო მდგომარეობა 1 თვით გაგრძელდება, საკონსტიტუციო ცვლილებების პროექტს ივლისის ბოლომდე მიიღებენ, თუ საგანგებოს გაგრძელების საჭიროება არ იქნება, პროექტის მიღება ივნისის ბოლოს დასრულდება.

„არავითარი საფრთხე არ შეექმნება, ახალი სისტემით 31 ოქტომბრის არჩევნების ჩატარებას. დრო საკმარისია ყველაფრისთვის. შესაბამისად, ჩვენ დაველოდებით მოვლენების განვითარებას. ვნახავთ, იქნება თუ არა საჭირო საგანგებო მდგომარეობის გაგრძელება. თუ არ გახდება საჭირო გახანგრძლივება, ამ შემთხვევაში, ივნისის ბოლომდე ესწრება ცვლილებების მიღება, თუ გახდა გაგრძელება საჭირო, ამ შემთხვევაში, ივლისში დასრულდება საკონსტიტუციო ცვლილებების მიღება“, - განაცხადა ირაკლი კობახიძემ.

შეგახსენებთ, რომ ქვეყანაში საგანგებო მდგომარეობა 22 მაისამდე არის გამოცხადებული. 8 მარტს,  ოპოზიციასა და ხელისუფლებას შორის მიღწეული შეთანხმების თანახმად, 2020 წლის საპარლამენტო არჩევნები 120/30 პრინციპით უნდა ჩატარდეს.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”