თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, საავადმყოფოში 1 პაციენტის ჯანმრთელობის მდგომარეობა გაფართოებული კვლევის დინამიკით, გაუარესდა.

მისი თქმით, პაციენტის მდგომარეობა კლინიკურად სტაბილურია.

„შეიძლება ვთქვათ, რომ კლინიკურად არის სტაბილიზაცია, მაგრამ გაფართოებული კვლევების დინამიკით მდგომარეობა გაუარესებულია. აქედან გამომდინარე, ჯერ იმის თქმა, რომ ამ პაციენტის მდგომარეობა დასტაბილურდება, ნაადრევია. ალბათ, ამას რამდენიმე დღის შემდეგ ვიტყვით, ჯერ-ჯერობით კვლავ კრიტიკულია, მართვას და დასტაბილურებას არ ემორჩილება“, - განაცხადა მარინა ეზუგბაიამ. 

როგორც ეზუგბაიამ აღნიშნა, ინფექციურ საავადმყოფოში კორონავირუსით ინფიცირებული 7 პაციენტის ჯანმრთელობის მდგომარეობა მძიმეა, რადგან მათ მძიმე პნევმონია აქვთ.

„მათი მდგომარეობა სტაბილურია. უკვე რამდენიმე დღის განმავლობაში სტაბილურობის შენარჩუნება გვეუბნება, რომ მათი მდგომარეობა გაუმჯობესდება და, ალბათ, მძიმე ფორმებიდან გადავლენ საშუალო სიმძიმის ფორმებში“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

Global Finance: საქართველოს ბანკი რეგიონში საუკეთესო სამომხმარებლო ციფრული ბანკია ონლაინ პროდუქტების შეთავაზების და დაკრედიტების მიმართულებით

შენი ავტოსაჭიროებები ერთ სივრცეში - მობაილბანკში ავტო კომფორტი განახლდა

რა იცვლება დაგროვებითი პენსიის შესახებ კანონში

81 ათასი ოჯახი ქონების გადასახადს აღარ გადაიხდის - შემოსავლების სამსახურის უფროსი