„ევროპული საქართველო“ ხელნაწერთა ეროვნული ცენტრის დირექტორის, ზაზა აბაშიძის კანონის შესაბამისად დასჯას მოითხოვს.

ამის შესახებ პარტიის წევრმა, გიორგი კანდელაკმა ბრიფინგზე განაცხადა.

მისი თქმით, აბაშიძე „ქართული ოცნების“ ერთ-ერთი სახეა, რომელიც თანამდებობაზე პოლიტიკური ნიშნით დაინიშნა.

„ეთნიკური შუღლის გაღვივება და, მით უმეტეს, ძალადობისკენ მოწოდება ისჯება საქართველოს კანონმდებლობით. ბატონი აბაშიძე, რომელიც არის „ქართული ოცნების“ ერთ-ერთი სახე, რომელიც, თავის დროზე, სწორედ პოლიტიკური ნიშნით დაინიშნა ამ თანამდებობაზე, კვლავაც ინარჩუნებს საკუთარ პოზიციას. „ევროპული საქართველოს“ სახელით მოვითხოვ, არა მხოლოდ მის თანამდებობიდან დაუყოვნებლივ გადაყენებას, არამედ ყველა იმ ნაბიჯის გადადგმას, რასაც საქართველოს კანონმდებლობა ითვალისწინებს“, - განაცხადა გიორგი კანდელაკმა.

ცნობისთვის, ხელნაწერთა ეროვნული ცენტრის დირექტორმა, ზაზა აბაშიძემ სოციალურ ქსელში ეთნიკური აზერბაიჯანელების მისამართით ქსენოფობიური კომენტარები გააკეთა. აღნიშნული შეეხება ქვემო ქართლში მომხდარ ინციდენტს, როდესაც ადგილობრივებმა ინფიცირებულთა ჰოსპიტალიზაციის პროცესში მედპერსონალს ხელი შეუშალეს.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”