ადამიანის უფლებების დამცველი საერთაშორისო არასამთავრობო ორგანიზაცია Amnesty International საქართველოში კორონავირუსთან დაკავშირებულ შეზღუდვებსა და საგანგებო მდგომარეობის დროს მიღებულ გადაწყვეტილებებს ეხმაურება.

ანგარიშში ნათქვამია, რომ 21 მარტს ქვეყანაში გამოცხადებული საგანგებო მდგომარეობის ზომები აუცილებელი და პროპორციული იყო, რომელიც საზოგადოებრივი ჯანდაცვის ლეგიტიმურ მიზნებს ემსახურება.

ამასთანავე, ორგანიზაციის მიერ გამოქვეყნებულ ანგარიშში საუბარია, რომ ზოგიერთი ზომა დისკრიმინაციულად იქნა გამოყენებული, რაც მართლმადიდებელი ეკლესიისთვის ერთგვარი პრივილეგიის მინიჭებას ეხება.

ორგანიზაციის ანგარიშში ნათქვამია, რომ მიუხედავად სამედიცინო რჩევებისა, რელიგიური შეკრებები კანონით არ აკრძალულა, რათა მართლმადიდებელ ეკლესიას ლიტურგიების ჩატარების უფლება ჰქონოდა.

Amnesty International აღნიშნავს, რომ ბზობისა და აღდგომის დღესასწაულებზე 12 და 19 აპრილს საქართველოში რამდენიმე მართლმადიდებელმა ეკლესიამ მრევლის ათობით წევრს უმასპინძლა.

ანგარიშში საუბარია, შეიხი მირტაგ ასადოვის ამბავზეც.

"15 აპრილს, საქართველოს მუსლიმი თემის ხელმძღვანელმა, მირთაგ ასადოვმა განაცხადა, რომ როცა რამადანი დაიწყებოდა, ისინიც გახსნიდნენ მეჩეთებს და იმედი გამოთქვა, რომ ამას ხელისუფლება ისეთივე გაგებით მოეკიდებოდა, როგორც მართლმადიდებლური ეკლესიების შემთხვევაში მოხდა, თუმცა ორი დღის შემდეგ, ის სახელმწიფო უსაფრთხოების სამსახურში გამოკითხვაზე დაიბარეს. საქმე საბოტაჟის მცდელობას ეხებოდა“,- ნათქვამია ორგანიზაციის მიერ გამოქვეყნებულ განცხადებაში.

ავტორი: ექსპრესნიუსი,

სოციალური ქსელები

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა