2020-04-29 10:31:40, 1376 ნახვა
საზოგადოება
ჩინეთიდან სპეცრეისით 40 ათასი PCR ტესტი საქართველოში ჩამოიტანეს
ჩინეთის დედაქალაქიდან საქართველოში 40 ათასი PCR ტესტი სპეცრეისით ჩამოვიდა.
ტვირთს აეროპორტში ჯანდაცვის მინისტრი, ეკატერინე ტიკარაძე დახვდა.
როგორც მინისტრმა, აღნიშნა, PCR ტესტები სახელმწიფომ შეიძინა, თუმცა დამატებით, ანტისხეულების 20 ათასი ტესტი ჩინეთის მთავრობამ საჩუქრად გამოგზავნა.
„ჩამოვიდა ჩინეთის სახალხო რესპუბლიკის მხრიდან ნაჩუქარი 20 ათასი ანტისხეულების ტესტი, ასევე დანარჩენ ტვირთს წარმოადგენს უკვე პირადი დაცვის საშუალებები, რომლებიც უზრუნველყოფენ ჩვენი ექიმების უსაფრთხო სამუშაო გარემოს“, - განაცხადა ეკატერინე ტიკარაძემ.
ავტორი: ექსპრესნიუსი,
epn.ge (@expressnews.ge)
