პრემიერ-მინისტრის, გიორგი გახარიას განცხადებით, მეწარმეებთან მიმართებაში ამოქმედდება დღგ-ს დაბრუნების მექანიზმი და ამასთან, მათ 1 წლის განმავლობაში ბიუჯეტიდან 600 მილიონი ლარი დღგ-ს სახით დაუბრუნდებათ.

მისი თქმით, ეს არის მეწარმეების კრიზისში დახმარების გეგმა.

„მოქალაქეებზე ზრუნვასთან ერთად ჩვენ უნდა ვიზრუნოთ მეწარმეებზეც. მოგეხსენებათ ჩვენი ქვეყნის ეკონომიკის სტრუქტურა ისეა მოწყობილი, რომ ახალ სამუშაო ადგილებს უნდა ქმნიდეს კერძო სექტორი. თუმცა, დღეს სამწუხაროდ, საუბარია ამ სამუშაო ადგილების შენარჩუნებაზე. ამიტომ, მეწარმეების ეკონომიკის და ბიზნესის დახმარების თვალსაზრისით, კიდევ ერთხელ ხაზგასმით აღვნიშნავ, რომ კრიზისულ პერიოდში. ეს არ არის ეკონომიკის აღდგენის პოსტკრიზისული გეგმა. ეს არის მეწარმეების კრიზისში დახმარების გეგმა.

ამოქმედდება დღგ-ს ავტომატური დაბრუნების მექანიზმი, რაც ფაქტობრივად ნიშნავს იმას, რომ მეწარმეს როგორც კი პირად ანგარიშზე დაუფიქსირდება ზედმეტობა ყველანაირი ბიუროკრატიული ბარიერების გარეშე, მას ავტომატურად დაუბრუნდება დღგ . ამასთან ერთად, ჩენ გადავწყვიტეთ, რომ წელს მომავალი 1 წლის განმავლობაში დამატებითი 600 მილიონი ლარი ბიუჯეტიდან დაბრუნებული იქნეს დღგ-ს სახით“, - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?

Bridgestone-ის საბურავების შეძენისას საწვავი საჩუქრად - „თეგეტა მოტორსისა“ და „გალფის“ შეთავაზება ბიზნესს

ქეთევან დედოფალზე გაკეთებული განცხადებების გამო, ირანის ელჩი საგარეოში დაიბარეს