მაცხოვრის საფლავზე გადმოსული წმინდა ცეცხლი საქართველოს თავდაცვის ძალების სამხედრო პოლიციის წარმომადგენლებმა სამების საკათედრო ტაძრიდან თავდაცვის სამინისტროს ტერიტორიაზე მდებარე მთავარანგელოზთა დასის სახელობის ტაძარში მიიტანეს.

სამხედრო პოლიციელებმა და კაპელანებმა იერუსალიმიდან ჩამოტანილი წმინდა ცეცხლი მცხეთა-თბილისის ეპარქიის ტერიტორიაზე სამხედრო ბრიგადებში არსებულ ეკლესიებში მიაბრძანეს. საქართველოს მასშტაბით კი, სამხედროებმა წმინდა ცეცხლი რეგიონებში არსებული საკათედრო ტაძრებიდან წაიღეს.
თავდაცვის სამინისტროს მთავარანგელოზთა დასის სახელობის ტაძარში აღდგომის სადღესასწაულო ღვთისმსახურება თავდაცვის ძალების მთავარმა კაპელანმა, მამა დავით ლონდარიძემ აღავლინა. სააღდგომო წირვაზე კორონავირუსის პანდემიის პრეცენციის მიზნით საქართველოს მთავრობის მიერ გაცემული ყველა რეკომენდაცია იყო დაცული. სადღესასწაულო ღვთისმსახურებას მხოლოდ სამინისტროს ტერიტორიაზე მყოფი სამხედრო მოსამსახურეები დაესწრნენ. მთავარმა კაპელანმა მათ აღდგომის ბრწყინვალე დღესასწაული მიულოცა და ჯანმრთელობა უსურვა.

იერუსალიმში, მაცხოვრის საფლავზე, წმინდა ცეცხლი თბილისის დროით 14:50 საათზე გადმოვიდა. უფლის საფლავზე აღმართული სამლოცველოდან, კუვუკლიადან წმინდა ცეცხლი იერუსალიმისა და სრულიად პალესტინის პატრიარქმა გამოიტანა. საქართველოში წმინდა ცეცხლის ჩამოტანა იმ სპეციალური რეისით მოხდა, რომელიც საქართველოს მოქალაქეების ჩამოსაყვანად თელ-ავივიდან თბილისის მიმართულებით დღეს შესრულდა.

ავტორი: NS (სტატია დაფინანსებულია),

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის