კორონავირუსთან ბრძოლაში ჩვენს მოქალაქეებს შეუძლიათ უფრო აქტიურად ჩაერთონ. მათ უკვე აქვთ წვდომის შესაძლებლობა სპეციალურ აპლიკაციაზე, რომელიც ვირუსთან ბრძოლის ერთ-ერთი, ძალიან ეფექტური მეთოდია, - ამის შესახებ, ჯანდაცვის მინისტრმა ეკატერინე ტიკარაძემ განაცხადა.

მისივე ინფორმაციით. მსგავსი ტიპის აპლიკაციები, ეპიდემიის კონტროლის მიზნით, აქტიურად იქნა გამოყენებული იაპონიაში, სამხრეთ კორეასა და სხვა ქვეყნებში. ამ ქვეყნების მიღწეული შედეგი და წარმატება კი უკვე სახეზეა.  

"STOP COVID იძლევა შესაძლებლობას მოხდეს კონტაქტირებული პირების დროული გამოვლენა და მათი გაფრთხილება. განსაკუთრებული ყურადღება ეთმობა კონფიდენციალურობასა და პირადი მონაცემების დაცვას. ჩვენ ვიყენებთ ავსტრიულ პლატფორმას და შესაბამისად ეს სისტემა განსაკუთრებულ ყურადღებას ანიჭებს პერსონალურ მონაცემთა დაცვის ევროპულ კანონმდებლობასთან თანხვედრას.

აქვე ხაზგასმით მინდა ავღნიშნო, რომ აპლიკაციის გამართული და ეფექტური მუშაობა მთლიანად დამოკიდებულია ჩვენი საზოგადოების მაღალი პასუხისმგებლობის გრძნობაზე, რისიც მე მჯერა და მწამს. მჯერა, რომ ერთად, არამხოლოდ სხვადასხვა უწყებების ძალისხმევით, არამედ თქვენი, ჩვენი თანამოქალაქეების დახმარებით, საქართველო შეძლებს დაამარცხოს არსებული გამოწვევა, რომელიც მსოფლიოს წინაშე დგას”,  - განაცხადა ჯანდაცვის მინისტრმა ეკატერინე ტიკარაძემ STOP COVID  აპლიკაციის პრეზენტაციის დროს.

ჯანდაცვის სამინისტროს ინიციატივით ინოვაციური აპლიკაცია  STOP COVID  შეიქმნა, რომლის მიზანი Covid-19-ის ადრეული გამოვლენა  და პრევენციაა.

აპლიკაციის გადმოწერა ანდროიდის მომხმარებლებისთვის შესაძლებელია ბმულიდან - https://bit.ly/3bkYphX

iOS ის მომხმარებლებს აპლიკაციის გადმოწერა შეუძლიათ - https://apple.co/2V92MXw

ავტორი: NS (სტატია დაფინანსებულია),

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა