2020-04-15 22:03:28, 1575 ნახვა
საზოგადოება
ანდრია ჯაღმაიძე - არაფერი არ ირღვევა თუ აღდგომას და მომდევნო დღეებში, სასაფლაოზე არ გავალთ
არაფერი არ ირღვევა თუ აღდგომას და მომდევნო დღეებში, სასაფლაოზე არ გავალთ, - ამის შესახებ საპატრიარქოს პრესსამსახურის ხელმძღვანელმა, ანდრია ჯაღმაიძემ განაცხადა.
მისი თქმით, აღდგომა დღეს სასაფლაოზე გასვლა ხალხური ტრადიციის დონეზე შემორჩა.
„აღდგომა დღეს სასაფლაოზე გასვლა არ წარმოადგენს საეკლესიო კანონიკით გათვალისწინებულ ქმედებას, ეს უფრო ხალხური ტრადიციის დონეზე შემორჩა. არაფერი არ ირღვევა თუ აღდგომას და მომდევნო დღეებში, შეზღუდვების გათვალისწინებით, არ გავალთ საფლავზე. მადლობა ღმერთს, რომ აღდგომას არ გვაქვს სრული კარანტინი და უფრო რთული ვითარება. ვფქირობ, მორწმუნე ადამიანებისთვის ეს უნდა იყოს ძალიან დიდი შეღავათი და სამადლობელი“, - განაცხადა ანდრია ჯაღმაიძემ.
ავტორი: ექსპრესნიუსი,
epn.ge (@expressnews.ge)
