რესპუბლიკური საავადმყოფოს გენერალური დირექტორის, ლევან გოფოძის განცხადებით, რესპუბლიკურ საავადმყოფოში კორონავირუსზე მიღებული 26 პასუხიდან ყველა უარყოფითია.

მისი თქმით, საავადმყოფოში 11 კოვიდინფიცირებული პაციენტია, რომელთა მდგომარეობაც დამაკმაყოფილებელია.

„ჩვენთან გუშინ 26 პაციენტს ჩაუტარდა კორონავირუსზე ტესტირება და საბედნიეროდ პასუხები იყო ნეგატიური. რაც შეეხება დანარჩენ პაციენტებს, რომლებიც ჩვენს კლინიკაში არიან, მოგეხსენებათ, რომ 11 პაციენტი გვყავს კოვიდინფიცირებული და მათი მდგომარეობა დამაკმაყოფილებელია. 11-ვე ინტენსიური თერაპიის პალატაში იმყოფება, არცერთს არ სჭირდება მართვითი სუნთქვა. გარდა ამისა უნდა აღინიშნოს, რომ რეანიმაციაში მყოფი პაციენტებიდან ერთის მდგომარეობა გაუმჯობესდა.

დღეს კიდევ 20 პაციენტს ჩაუტარდა კოვიდ-19-ზე კვლევა და პასუხებს ველოდებით ტრადიციულად გვიან ღამე“, - განაცხადა ლევან გოფოძემ.

ავტორი: ექსპრესნიუსი,

სოციალური ქსელები

პერმს ტუაფსეს მსგავსი ეკოლოგიური კატასტროფა ელის

ზურაბიშვილი რეჟიმის მიერ ვენახის გაშენების აკრძალვაზე - დავბრუნდით შაჰ-აბასისა თუ საბჭოთა დროს

რუსეთის მიერ უკრაინაში დადასტურებულმა დანაკარგებმა 216 000 ადამიანს გადააჭარბა.

კრემლის ჩინეთის გავლით ტექნოლოგიების იმპორტზე დამოკიდებულებამ 90%-ს მიაღწია.