ქალაქში დადის ისევ ბევრი მანქანა, ადამიანები იკრიბებიან, ეს დაუშვებელია - ცეცხლს ვეთამაშებით, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

გამყრელიძის თქმით, მომავალი 2-3 კვირა იქნება ძალიან მძიმე და იმ შემთხვევაში, თუ არ იქნება დაცული რეკომენდაციები, აპრილის ბოლოს, მაისის დასაწყისში საქართველოში რამდენიმე ათასეული შემთხვევა დაფიქსირდება, რომლის მართვაც იქნება რთული.

„თუ ჩვენ მოვადუნეთ დღეს სოციალური დისტანცირების თვალსაზრისით და არ დავიცავით საგანგებო მდგომარეობით განსაზღვრული რეგულაციები, იცოდეთ, აპრილის ბოლოს მაისის დასაწყისში, რამოდენიმე ათასეული შემთხვევა გვექნება ქვეყანაში, რომლის მართვაც საკმაოდ მძიმე ტვირთი იქნება ჯანდაცვის სისტემისთვის და გვექნება დანაკარგები, ამ ყველაფერს უნდა მოვეკიდოთ ძალიან სერიოზულად. დავიცვათ ყველა წესი, რასაც გვეუბნება სახელმწიფო - დარჩი სახლში,დაიცავი დისტანცია, გქონდეს სოციალური დისტანცირება, არ შევიკრიბოთ 3 ადამიანზე მეტი, არ გავმართოთ ქეიფები, ქორწილები, მწუხრის სუფრა - შევიკავოთ ამ ეტაპზე თავი, შევიკავოთ თავი ბევრი კიდევ სხვა, ტრადიციული თუ რელიგიური თუ არარელიგიური ღონისძიებებისგან.

ჩვენ არ გვაქვს მოდუნების და დამშვიდების უფლება ერთი წუთით. ვატყობ, რომ გუშინ , გუშინწინ ქალაქში ისევ დადის ბევრი მანქანა, ადამიანები ისევ იკრიბებიან. ეს დაუშვებელია, ცეცხლს ვეთამაშებით,. მომავალი 2-3 კვირა იქნება ძალიან მძიმე, იმიტომ რომ 300-ს რომ გადავცილდებით მოსალოდნელია იყოს კიდევ უფრო მეტად სწრაფი ზრდა“, - განაცხადა ამირან გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა