აშშ-ში არსებულ სამედიცინო და საგანმანათლებლო ფონდ კეიო-ს მედიკოსებმა, ახალი კორონავირუსის ადამიანის გულზე ზემოქმედების გზები და რისკები და შედეგები გამოიკვლიეს. სტატია სამედიცინო პორტალ MedicalXpress-ზეა განთავსებული.
მეცნიერების მტკიცებით SARS-CoV-2-მ გულის ფიზიოლოგიური მაჩვენებლები შეიძლება შეცვალოს. ზოგჯერ ეს ცვლილებები ანთებითი რეაქციის შედეგად ვითარდება, ზოგჯერ კი მწვავე ინფექციური სტადიის დროს,როცა ინფექცია გულის კუნთში აღწევს  და იქ ახალ დაავადების კერას ქმნის. მედიკოსებმა აგრეთვე  გულის 2 ტიპის  დაავადება დაასახელეს, რომლების დიაგნოზის არსებობის შემთხვევაში პაციენტებმა განსაკუთრებული ყურადღება უნდა გამოიჩინონ - პირველი დაავადება გულის უკმარისობაა, ხოლო მეორე არითმია გახლავთ. მედიკოსები აღნიშნავენ, რომ არითმია ადამიანს მას მერე შეიძლება გაუჩნდეს , რაც ის COVID-19-ით დაინფიცირდება. 
კვლევის შედეგად COVID-19-ის ინფექციის გულზე ხანგრძლივი ზემოქმედების რისკი ვირუსის სიახლის ფაქტორისგამო ვერ დადგინდა, მაგრამ მეცნიერების ნაწილი თვლის, რომ იმ შემთხვევაში, თუ ადამიანს ინფექციის მწვავე ნიშნები დაუფიქსირდა ის განკურნებიდან 1 წლის მანძილზე მაინც მომავალში რისკების შემცირებისთვის ,კარდიოლოგის კაბინეტის სისტემატიური სტუმარი უნდა გახდეს. 
ჩინელმა მეცნიერებმა კორონავირუსის ყველაზე პოპულარული მსხვერპლის პორტრეტი აღწერეს, მათი თქმით ჩინეთში SARS-CoV-2-ისგან ყველაზე ხშირად საშუალო ასაკის ზევით (50+) მამაკაცები კვდებიან, რომლებსაც ქრონიკული ინფექციური დაავადებები გააჩნიათ. რისკის განსაკუთრებულ ჯგუფში ჰიპერტონიის, გულის მანკის და დიაბეტის მქონე მოქალაქეები აღმოჩნდნენ.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა