საქართველოში ჩვენ გვაქვს შესაბამისი ადეკვატური პოლიტიკა იმისთვის, რომ კრიტიკულ სიტუაციებში და მათშორის საგანგებო რეჟიმში ჩვენ მოვახდინოთ მარაგების სწორად მართვა და მიწოდების ჯაჭვის უწყევტობა - ამის შესახებ საქართველოს გარემოს დაცვისა და სოფლის მეურნეობის მინისტრი, ლევან დავითაშვილი საგანგებო ბრიფიგზე აცხადებს.

მან ასევე აღნიშნა, რომ ძალიან მნიშვნელოვანია გეოგრაფიულ ჭრილში თანაბრად გადანაწილდეს სურსათი რეგიონებში, განსაკუთრებით მკაცრი საკარანტინე ზონებში.

„ჩვენ რეგულარულად ვაკეთებთ მარაგების მონიტორინგს, ასევე ახალი შესყიდვების შემოსვლის გრაფიკს ვადევნებთ თვალყურს. დღეს ჩვენ მარაგების კუთხით გვაქვს დამაიმედებელი მდგომარეობა და შეფერხება ამ მომენტისთვის არ არსებობს. მიუხედავად იმისა, რომ გარკვეული გამოწვევები მათ შორის  შეზღუდული ექსპორტი რეგიონში ზოგადად არსებობს, დღეს ჩვენ მოსახლეობას აქვს შეუფერხებელი წვდომა სასურსათო პროდუქტზე.

ძალიან მნიშვნელოვანია, რომ ეს იყოს არა მხოლოდ ქვეყანაში არამედ გეოგრაფიულ ჭრილში ეს იყოს თანაბრად განაწილებული რეგიონებში. განსაკუთრებით ეს უკავშირდება მკაცრი საკარანტინე ზონების სურსათით მომარაგებას.

ყველა რეგიონულ შტაბთან მიდის მუდმივი მუშაობა და ყველა შესაბამისი სახელმწიფო სტრუქტურა არის ჩართული იმისთვის, რომ უწყვეტ რეჟიმში მიეწოდებოდეს მოსახლეობას სურსათი, პირველადი საჭიროების პროდუქცია და ამაზე რთქმაუნდა სახელმწიფო ზრუნასვ.

ასეთ პირობებში, ქვეყნის სურსათით მომარაგება ხდება პრიორიტეტი. ეს არის გლობალური ტენდენცია. გლობალურად სავაჭრო შეფერხებები არის დღისწესრიგი ბევრ ქვეყანაში, არის სურსათის ჯაჭვის შემაფერხებელი ფაქტორები, რაზეც გაეროს სურსათისა და სოფლისმეურნეობის ორგანიზაცია (FAO) თავის ანალიზში აღნიშნავდა და მნიშვნელოვანია, რომ ეს იყოს გათვალისწინებული სასურსათო უსაფრთხოების თვალსაზრისით. ეს არის სამინისტროს რუტინული პოლიტიკის ნაწილი და ამ კუთხით საქართველოში ჩვენ გვაქვს შესაბამისი ადეკვატური პოლიტიკა იმისთვის, რომ კრიტიკულ სიტუაციებში და მათშორის საგანგებო რეჟიმში ჩვენ მოვახდინოთ მარაგების სწორად მართვა და მიწოდების ჯაჭვის უწყევტობა “, - განაცხადა ლევან დავითაშვილმა.

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო