"კოვიდ ვირუსთან ბრძოლა დასრულებული არ არის, ჩვენ, მხოლოდ და მხოლოდ, პროცესში ვიმყოფებით", - ამის შესახებ პრემიერ-მინისტრის პრესსპიკერმა ირაკლი ჩიქოვანმა განაცხადა.

ჩიქოვანის თქმით, სწორედ ამიტომ, უნდა დავიცვათ გაცემული რეკომენდაციები, რადგან მინიმუმადე დავიყვანოთ ზიანი.

„როგორც თქვენთვის ცნობილია, დღეს ჩვენ ინფიცირების 200-ზე მეტი ფაქტი გვაქვს, რაც გვაძლევს იმის საფუძველს, რომ კვლავაც გვქონდეს მოლოდინი, რომ შემთხვევების რაოდენობა გაიზრდება. ამიტომ კიდევ ერთხელ მივმართავ ჩვენს მოქალაქეებს და ყველა ბიზნესობიექტის წარმომადგენელს, რომ უნდა დავიცვათ რეგულაციები, რომელიც არის შემოღებული და მხოლოდ უკიდურესი აუცილებლობის შემთხვევაში გავიდეთ სახლიდან.

კოვიდ ვირუსთან ბრძოლა დასრულებული არ არის, ჩვენ, მხოლოდ და მხოლოდ, პროცესში ვიმყოფებით და, მხოლოდ და მხოლოდ, რეგულაციების დაცვა მოგვცემს იმის საშუალებას, რომ თითეულ ჩვენგანს, თანამოქალაქესა და სამედიცინო პერსონალს შევუმსუბუქოთ ის ზეწოლა, რომელიც შეიძლება მათზე მოვიდეს. ჩვენ არ გვაქვს მოდუნების საშუალება", - განაცხადა ირაკლი ჩიქოვანმა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა